International Research Conference in Humanities and Social Science [IRCHSS]-2018
http://dr.lib.sjp.ac.lk/handle/123456789/7911
2023-12-25T05:42:47Z
2023-12-25T05:42:47Z
දකුණු පළාතේ දමිළ භාෂා භාවිතයේ සුවිශේෂීතාවය පිළිබඳව සංසන්දනාත්මක අධ්යයනයක්
රාජනායක, ආර්.එම්.ඩබ්.ජී.ප්ර.
http://dr.lib.sjp.ac.lk/handle/123456789/8344
2023-01-21T17:24:59Z
2018-01-01T00:00:00Z
දකුණු පළාතේ දමිළ භාෂා භාවිතයේ සුවිශේෂීතාවය පිළිබඳව සංසන්දනාත්මක අධ්යයනයක්
රාජනායක, ආර්.එම්.ඩබ්.ජී.ප්ර.
Attached; ශ්රී ලංකාවේ දකුණු පළාත යනු භාෂාමය වශයෙන් ඉතා වැදගත් ඔවුන්ටම ආවේණික භාෂා ලක්ෂණ රාශියකින් සමන්විත මිනිසුන් පිරිසක් වාසය කරන පළාතකි. කෘෂිකර්මාන්තය හා ධීවර කර්මාන්තය ප්රධාන ජීවනෝපායන් කර ගත් දකුණු පළාත තුළ සිංහල ජාතිකයින් මෙන්ම දෙමළ හා මුස්ලිම් ජාතිකයෝ ද ජීවත් වෙති. මෙම පර්යේෂණයේ මූලික අරමුණ වන්නේ දකුණු පළාත කේන්ද්ර කොටගෙන එනම් ගාල්ල, මාතර හා හම්බන්තොට යන දිස්ත්රික්කයන්වල ජීවත් වන දෙමළ හා මුස්ලිම් ජාතිකයන්ගේ දමිළ භාෂා භාවිතයෙහි පවතින සුවිශේෂීත්වය ප්රධාන කොටගෙන එනම් ශ්රි ලංකාවේ අනෙකුත් දමිළ භාෂිත ප්රදේශයන් හා සසඳන විට දක්නට ලැබෙන වෙනස්කම් පිලිබඳ සොයා බැලීමයි. මෙම සමාජ ස්ථරයෙහි පවතින වාක් මාලාව තුළ අනෙකුත් දමිළ භාෂිත ප්රදේශයන් වලට වඩා බොහෝ දුරට වෙනස්කම් පවතී. එකී වෙනස්කම් එම ප්රදේශයේ ජනතාවගේ උචචාරණ විධි, උගත් නූගත්කම්, පරිසර වෙනස්වීම්, ජීවන රටාව ආදී කරුණු මත පදනම් ව පවතින බවක් දක්නට ලැබේ. මෙම පර්යේෂණය සඳහා සම්මුඛ සාකච්ඡා ප්රධාන පර්යේෂණ ක්රමවේදය වශයෙන් භාවිතා කළ අතර එහිදි දකුණු පළාතේ ජිවත් වන විවිධ වයස් මට්ටමේ පුද්ගලයන්ගෙන් දත්ත රැස් කර ගන්නා ලදි. සංසන්දනාත්මකව ගත්විට ශ්රී ලංකාවේ අනෙකුත් පළාත්වල ජීවත් වන දමිළ භාෂිකයින්ගේ දමිළ වහරට වඩා වෙනස්ව යමින් දකුණු පළාත් වාසී දමිළ භාෂිකයින්ගේ දමිළ භාෂා භාවිතය අතර විශේෂයෙන් පෙන්නුම් කරනු ලබන වෙනස්කම් රාශියක් දක්නට ලැබුණු බව එනම් අනෙකුත් ප්රදේශයන් වල ජීවත් වන දමිළ, මුස්ලිම් ජනතාවගේ භාෂිත දමිළ භාෂාව අතර වෙනස් වන උපභාෂාමය ලක්ෂණ රැගත් සමාජයක් ලෙස දකුණු පළාත් දමිළ වහර හදුන්වා දිය හැකිය.
2018-01-01T00:00:00Z
නවීකරණය හරහා සිදුවන සමාජ සංස්කෘතික වෙනස් වීම (රුහුණු මාගම්පුර වරාය ආශ්රයෙන්)
මධුභාෂීණී, ආර්.එම්.යු.
කුමුදුමාලී, එල්.එච්.එච්.
සමරසේකර, සේ.
http://dr.lib.sjp.ac.lk/handle/123456789/8343
2023-01-22T11:54:07Z
2018-01-01T00:00:00Z
නවීකරණය හරහා සිදුවන සමාජ සංස්කෘතික වෙනස් වීම (රුහුණු මාගම්පුර වරාය ආශ්රයෙන්)
මධුභාෂීණී, ආර්.එම්.යු.; කුමුදුමාලී, එල්.එච්.එච්.; සමරසේකර, සේ.
Attached; සමාජ හා සංස්කෘතික වෙනස් විම යනු කිසියම් සමාජයක පවතින සමාජීය, අධ්යාත්මික ද්රව්යාත්මක හා ශිෂ්ට බව යන සංකල්ප එක් ආකාරයක සිට තවත් ආකාරයකට පරිවර්තනය වීමේ ක්රියාවලියයි. මේවා මගින් සිදුවන වෙනස්වීම නවීකරණයයි. එනම් දේශපාලනික, ආර්ථික, තාක්ෂණික ආදී වශයෙන් රටක සිදුවන ඉදිරියට යෑම දියුණුවීම හෝ වෙනත් ආකාරයක පරිවර්ථන නවීකරණය ලෙස හැදින්විය හැකිය. හම්බන්තොට මිරිජ්ජවිල ප්රදේශය මුල් කොටගෙන ගොඩණැගුනු රුහුණු මාගම්පුර වරාය හරහා එම ප්රදේශයේ සිදු වූ නවීකරණය හා ප්රථිවිපාක පිළිබඳ අධ්යනය කිරීම මෙම පර්යේ ෂණයේ අරමුණයි. වරාය සංවර්ධන ව්යාපෘතිය නිසා පවුල් 200 පමණ අවතැන් වූ අතර “වරාය ගම්මානය“ ලෙස ගොඩනැගූ නව ජනපදයෙහි ඔවුන් පදිංචි කර ඇත. එයින් අහඹු ලෙස තෝරාගත් පවුල් 40ක නියැදියක් සෘජු දත්ත ලබා ගැනීම සඳහා යොදාගන්නා ලදී. මෙම පරීක්ෂණය සඳහා පදිංචිය, නිවාස ජීවනෝපායන්හි හා එදිනෙදා ජීවිතයයේ සිදු වූ නවීකරණය පිළිබඳ සම්මුඛ සාකච්ඡා උපලේඛනයක් මගින් ප්රදේශවාසින්ගෙන් තොරතුරු ලබා ගත් අතර, ලිඛිත මූලාශ්ර ලෙස ව්යාපෘතිය පිළිබඳ ලිඛිත වාර්ථා, පොත්පත් හා අන්තර්ජාලය භාවිතා කරන ලදී. නියැදියෙහි 50 පමණ පවුල් වල අවම වශයෙන් එක් සාමාජිකයෙකුට හෝ වරාය ව්යාපෘතිය හරහා රැකියා හිමිව ඇත. 60 පමණ පවුල්වලට ඔවුන්ගේ සම්ප්රදායික ජීවනෝපාය වූ ධීවර කර්මාන්තය අහිමි වී ඇත. තවත් 20කට පමණ තම ධීවර කටයුතු පෙර මෙන් සාර්ථකව කර ගැනීමට අපහසුතා ඇතිවූ බව සඳහන්විය. ඊට අමතරව ප්රදේශයේ මුල් පදිංචිකරුවන්ගේ ඉඩම් අහිමි වීම හා පදිංචිය වෙනස්වීම ආදිය මගින් ඔවුනගේ සමාජ හා සංස්කෘතික තත්වය වෙනස් වී ඇති අයුරු නිරීක්ෂණය විය. එසේම වරාය ව්යාපෘතියේ බලපෑමට ලක්වූවන්ගේ සුබසාධනය සඳහා ජලය විදුලිය ආදි යටිතල පහසුකම් හා සේවා වැඩි දියුණු වී තිබුනද ඒවායින් නිසි ප්රයෝජන ගෙන නොමැති බව හා පවත්වාගෙනයාමට ඇති උනන්දුව යහපත් මට්ටමක නොතිබූ බව නිරීක්ෂණය විය. එයට හේතුවී ඇත්තේ ප්රධාන වශයෙන් ඒවා නොමිලේ හා උත්සහයකින් තොරව රජය ආදී බාහිර පාර්ෂව වලින් ලැබුනෙය යන හැගීම නිසා බව හඳුනාගැණුනි. සමස්ථයක් ලෙස ගත් විට ආර්ථික සහ සුබසාධනය යන අංශ යන්හි ප්රබල වෙනස්කම් දක්නට ලැබුනත්, අධ්යාපන, සෞඛ්ය, ආගමික වශයෙන් විශාල වෙනස්කම් සිදුවී නොමැත. සංවර්ධනය හරහා සිදුවන නවීකරණය වඩාත් සාර්ථක වීමට නම් එය බාහිර පාර්ෂවයන්හි අවශ්යතා අනුව පමණක් නොව තමන්ගේය යන හැගීම ප්රදේශවාසින් තුළ ඇති කිරීමේ වැඩපිළිවෙලක් එයට ඇතුළත් වියයුතුය.
2018-01-01T00:00:00Z
නගරාශ්රිත අපරාධ ප්රවනතා පිළිබඳ විද්යාත්මක අධ්යයනයක් (කොළඹ කොටුව පිටකොටුව නාගරික කලාප ඇසුරින්)
ශ්යාමලී, ඩබ්.එම්.ඩබ්.
විජේවර්ධන, බී.වී.එන්.
සමරකෝන්, එම්.ටී.
http://dr.lib.sjp.ac.lk/handle/123456789/8342
2023-01-29T13:54:07Z
2018-01-01T00:00:00Z
නගරාශ්රිත අපරාධ ප්රවනතා පිළිබඳ විද්යාත්මක අධ්යයනයක් (කොළඹ කොටුව පිටකොටුව නාගරික කලාප ඇසුරින්)
ශ්යාමලී, ඩබ්.එම්.ඩබ්.; විජේවර්ධන, බී.වී.එන්.; සමරකෝන්, එම්.ටී.
Attached; වර්තමානයේ ලොව සියලු රටවල් නාගරීකරණ ක්රියාවලියට මුහුණ දෙමින් සිටී. නාගරීකරණය හේතුවෙන් ඇති වූ සමාජ විසංවිධානය නාගරික සමාජය තුළ විවිධ සමාජ ප්රශ්නයන් නිර්මාණය වී සමාජ පර්යායට බලපෑම් කරමින් තිබෙනු නිරීක්ෂණය වේ. එම සමාජ ප්රශ්න අතර අපරාධ විශේෂ වන අතර මෙම තත්වය සංවර්ධිත සහ සංවර්ධනය වෙමින් පවතින රටවලටද පොදු වූවකි. නගර අවට සිදුවන්නා වු අපරාධන් සඳහා නාගරික භෞතික සමාජ සංස්කෘතික පරිසරය කෙබඳු නැඹුරුවක් සිදු කරන්නේද ? නාගරික පාරිසරික තත්වයන්ට ආවේනික වූ විශේෂ ස්වභාවයක් අපරාධන්හි පවතින්නේද අධ්යයනය කිරීම පර්යේෂණයේ අධ්යයන ගැටලුව විය. නගරාශ්රිත අපරාධයන්ගේ ප්රවනතාව හඳුනාගැනීම සහ ඒවා විසදීම සඳහා ගතයුතු ක්රියාමාර්ග යෝජනා කිරීම අරමුණු කර ගනිමින් අපරාධ වාර්තා කොට්ඨාසයේ සංඛ්යා දත්ත සහ ක්ෂේත්රයේ පොලිස් ස්ථානයන්හි අපරාධ වාර්තා අනුව වැඩිම අපරාධ ප්රමාණයක් වාර්තා වී ඇති කොළඹ නාගරික කලාපයේ, කොටුව සහ පිටකොටුව ආශ්රිතව පර්යේෂණය සිදු කෙරුණි. ද්වීතික මූලාශ්ර යොදා ගනිමින් 2008 සිට 2018 දක්වා වාර්තා වූ 13351ක් වූ අපරාධයන්ගේ සංඛ්යාත්මක දත්ත සහ ඒවායේ රටාවන් මෙහිදී විශ්ලේශනය කරන ලදී. එමෙන්ම පොලිස් නිලධාරීන් සහ ප්රජාව සමඟ සම්මුඛ සාකච්ඡා සිදු කෙරිණි. 2010 වර්ෂයේ ප්රදේශයේ අපරාධ ප්රමාණය 3000ක් වූ අතර එය 2012 වනවිට 3708 ලෙසටත් 2014 වනවිට 3958ක් ලෙස ක්රමික වර්ධනයක් හඳුනා ගැණුනි. 2017 වර්ෂය අවසාන වනවිට වාර්තා වූ අපරාධ ප්රමාණය 2685 දක්වා වූ අතර යම් අඩුවීමක් සිදු වී ඇත. කොළඹ නගරයේ ප්රධාන වෙළඳ මධ්යස්ථානයක් වන කොටුව හා පිටකොටුව ප්රදේශ තුළ අධික ජනගහන තදබදය, අක්රමිකව ඉදිවන සේවා හා වෙළඳ ආයතන, රැකියා සංක්රමණික කණ්ඩායම් දැකිය හැකිවේ. සිය අවශ්යතාවන් සපුරා ගැනීමට සහ අනන්යතාවය සඟවා කටයුතු කළ හැකි පරිසරයක් නාගරිකබව තුළ තිබීම මත අපරාධ කෙරෙහි යොමුව මත්ද්රව්ය භාවිතය, ගණිකා වෘත්තිය, මිනීමැරීම්, මංකොල්ලකෑම් සහ ස්ත්රී දූෂණ ආදි අපරාධ සිද්ධීන් ඒ අතර ප්රධාන වී ඇත. තරුණ කල්ලි අපරාධකරුවන් අපරාධ සිදු කරීමේ වැඩි නැමියා ඇත්තවුන් වූහ. පටු මංමාවත්, ගරා වැටුණු ගොඩනැගිළි තුළ සහ අපරාධ කිරීම සඳහා නිර්මාණය කරගත් ඇතැම් ස්ථාන (Hotspot) මූලික කරගෙන අපරාධයන් බහුලව සිදුවන බව නිරීක්ෂණය විය. නගරාශ්රිතව අපරාධ පාලනය කිරීමෙහිලා නගර සැලසුම්කරණ ක්රියාවලිය නිසි පරිදි සිදු කිරීම අත්යාවශ්ය වේ. ලෝකයේ බොහෝ රටවල් වර්තමානයේ පාරිසරික සැලසුම් මඟින් අපරාධ වැළැක්වීමේ ක්රමය (CPTED) යොදා ගනිමින් නාගරික අපරාධ වැළැක්වීමට පියවර ගෙන ඇත. එකී ක්රමය කොළඹ නාගරික සැලසුම්කරණ ක්රියාවලිය සඳහා යොදා ගැනීම පිළිබඳ අවධානය යොමු කිරීම කාලෝචිතය.
2018-01-01T00:00:00Z
ශ්රී ලංකාවට පැමිණෙන විදේශීය සංචාරකයින්ගේ මනෝ සමාජීය ගැටලු පිළිබඳ විමසුමක් (දකුණු වෙරළබඩ ප්රදේශයට අයත් හික්කඩුව සංචාරක පුරවරය ඇසුරෙන්)
බණ්ඩාර, එම්.එම්.අ.
නිර්මල, කේ.හේ.
http://dr.lib.sjp.ac.lk/handle/123456789/8341
2023-01-29T13:57:14Z
2018-01-01T00:00:00Z
ශ්රී ලංකාවට පැමිණෙන විදේශීය සංචාරකයින්ගේ මනෝ සමාජීය ගැටලු පිළිබඳ විමසුමක් (දකුණු වෙරළබඩ ප්රදේශයට අයත් හික්කඩුව සංචාරක පුරවරය ඇසුරෙන්)
බණ්ඩාර, එම්.එම්.අ.; නිර්මල, කේ.හේ.
Attached; ශ්රි ලංකාවට විදේශ විනිමය උපයන ප්රධාන සංරචකයක් ලෙස සංචාරක කර්මාන්තය හඳුන්වා දිය හැකිය. එකී කර්මාන්තයේ යාවජීව පැවැත්ම සඳහා රාජ්ය හා පෞද්ගලික යන දෙඅංශයේම ඒකාකාරී මැදිහත් වීමක් දක්නට ලැබේ. අප අධ්යයන ප්රදේශය වන හික්කඩුව සංචාරක පුරවරයකට පැමිණෙන විදේශීය සංචාරකයින් හට මානසික මෙන් ම සමාජීය ගැටලු රාශියකට මුහුණ දීමට සිදුවන බව අධ්යයනයේදී තහවුරු විය. ඒ අතර සංස්කෘතික බලපෑම, මත්ද්රව්ය භාවිතය සහ ඒවා ලබා ගන්නේ කෙසේද යන වග, නගර සින්ඩ්රෝමය (City Syndrome) සහ මුදල් හා බඩු භාණ්ඩ අස්ථානගතවීම, ආදිය සුලභව දැකීමට හැකි විය. ලංකාව තුල දක්නට ලැබෙන බහු සංස්කෘතියත් සමඟ විදේශකයින් වැඩි වශයෙන් මෙරටට පැමිණෙති. එහිදී ඔවුන් හට නගර සින්ඩ්රෝමය සෘජුව බලපානුව ලබයි. එය ඇතිවීමට බලපානු ලබන ප්රධානතම සාධකය වන්නේ නව පරිසර තත්වයන් නිසා උද්දීපනය වන නැවුම් උද්වේගකර අදහස්ය. එහිදී තාවකාලිකව උමතු බවක් පෙන්නුම් කරයි. එමෙන් ම සංස්කෘතික බලපෑම නිසාද මනෝ සමාජයීය ගැටලු රැසක් පැන නැගී ඇති බව පැහැදිලිව හඳුනාගැනීමට හැකි විය. භාෂාව, ආගම, ඇඳුම්-පැළඳුම්, කෑම-බීම, සිරිත්-විරිත් ඒ සඳහා ප්රධාන විය. ලංකාවේ මුදල් භාවිතය පිළිබඳ විදේශීය සංචාරකයින් තුළ පවතින අනවබෝධය වඩාත් කැපී පෙනුණේ වෙළඳපොළ සමඟ සිදු කරනු ලබන මුදල් හුවමාරු වලදීය. සංචාරකයින් සතු පෞද්ගලික බඩු භාණ්ඩ අස්ථානගත වීම හමුවේ ඔවුන් දැඩි මානසික අසීරුතාවයකට මුහුණ පාන බව ද හඳුනා ගැනීමට හැකි විය. මත්ද්රව්ය ප්රචලිතයත් සමඟ ඇතිවන මනෝ සමාජීය ගැටළු ද ප්රධාන තැනක් උසුලයි. එහිදී පුරුද්දක් වශයෙන් මෙන්ම පරිසරය වෙනස් වීමත් සමඟ මත්ද්රව්ය භාවිතා කරන්නන් හඳුනා ගැනීමට හැකි විය. මත්ද්රව්ය භාවිතයෙන් පසු කලකෝලාහලවලට ගොඳුරුවීම, ලිංගික අල්ලස් දීමට සිදුවීම, විවිධ චෝදනාවලට වැරදිකරුවන් වීම මේ තුළින් ගොඩනැගෙන අතුරු ප්රතිඵලයන්ය. පර්යේෂණයෙන් තහවුරු කරගත් මනෝ සමාජීය ගැටළු මුල්කරගනිමින් විදේශීය සංචාරකයින් තුළ අසාමාන්ය සැකය, බය, චකිතය, නුරුස්සන ස්වභාවය, භාවයන්වල ඉහළ පහළ යෑම, නින්ද නොයෑම, උදාසීන බව, ඔවුන් තුළින් හඳුනා ගැනීමට හැකි විය. මෙම ගැටලු තුළින් ඇතැම් ගැටලු ඇතිවීම ස්වභාවිකය. මෙම ගැටලු අවම කර ගැනීම සඳහා සංචාරක කර්මාන්තයට සම්බන්ධ බහු පාර්ශවයන්ගේම අන්තර් සම්බන්ධතාවය සහ ප්රජානනමය ලක්ෂණවල දියුණුව අත්යාවශ්ය බව පෙන්වා දිය හැක.
2018-01-01T00:00:00Z