"කඩවූණු පොරොන්දුව" චිත්රපටයෙන් නිරූපිත සමාජ සංලක්ෂණය
| dc.contributor.author | ලාල්, ර.ප්රි. | |
| dc.date.accessioned | 2019-01-25T08:40:33Z | |
| dc.date.available | 2019-01-25T08:40:33Z | |
| dc.date.issued | 2018 | |
| dc.description.abstract | Attached | en_US |
| dc.description.abstract | 1947 දී තිරගත වූ කඩවුණු පොරොන්දුව චිත්රපටය ප්රථම සිංහල කථානාද චිත්රපටය වේ. එය සමකාලීන සමාජ අත්දැකීමක් පදනම් කරගත් වෘත්තාන්ත චිත්රපටයක් වන අතර, එය, එනමින් ම නිෂ්පාදිත බී.ඒ.ඩබ්. ජයමාන්නගේ මිනර්වා නාට්යය චිත්රපටයට නැගීමකි. චිත්රපටය තිරගත වූවායින් පසුව ඉදිරිපත් වී ඇති විචාරවලින් එකී චිත්රපටයේ නිරූපිත දේශීයත්වය සහ සමාජ පැතිකඩ පිළිබද නිර්දය විවේචන එල්ල වී ඇත. ඇතැම් විට ඒ පිළිබඳ ධනාත්මක අදහස් ද වේ. නමුත් චිත්රපටය මෙන් ම ඊට පාදක වූ මිනර්වා නාට්යද අතිශය ජනප්රියත්වයට පත් නිර්මාණ විය. එබැවින් කඩවුණු පොරොන්දුව චිත්රපටයෙන් නිරූපිත සමකාලීන සමාජ සංලක්ෂණය කවරාකාර ද යන්න අධ්යයනයේ ගැටලුව වේ. නාමාවලියේ චිත්රපටයේ තිර කතාව බී. ඒ. ඩබ්. ජයමාන්න සහ ජේ. සිංහ ලෙස සඳහන් වුව ද කතාව දෙබස් දර්ශන පෙළගැස්වීම ආදිය බී. ඒ. ඩබ්. ජයමාන්නගේ නාට්ය අනුව ම සිදු කෙරී ඇත. මිනර්වා නාට්යයේ චරිත නිරූපණය කළ පාත්ර වර්ගයා ම චිත්රපටයේ ද එකී චරිත නිරූපණයේ යෙදී ඇත. නාට්යයේ තිරරචක හා අධ්යක්ෂක වන ජයමාන්න ඉපදුනේ ද, අධ්යාපනය ලැබුවේ ද, දිවි ගෙවුයේ ද මීගමුව ප්රදේශයේ ය. එනම් කතෝලික ආගමික පරිසරයක් සහිත සමාජ පසුබිමක ය. චිත්රපට අධ්යක්ෂ ජේ. සිංහ දකුණු ඉන්දියානුවෙකු වූ බැවින් සහ නළුනිළි පිරිසට චිත්රපට මාධ්ය පිළිබඳ තිබු අනවබෝධය හේතුවෙන් සහ චිත්රපටයට පදනම් වූ මිනර්වා නාට්යය තාත්විකත්වයෙන් දුරස් වූ තරමක ශෛලිගත රංග වින්යාසයක් සහිත බැවින් චිත්රපටය තරමක් තාත්විකත්වයෙන් බැහැර වී ඇති බව අධ්යයනයේ දී අනාවරණය විය. මේ ආදී හේතු නිසාත් දේශීයත්වය ජාතිකත්වය පිළිබඳ අදහස් රෝපණය වෙමින් පැවති, එසේම අවශේෂ කලා නිර්මාණ තුළ එකී ලක්ෂණ විශද වෙමින් පැවතුණු යුගයක කඩවුණු පොරොන්දුව චිත්රපටය බොහෝ විචාරකදෝෂ දර්ශනයට ලක් වී ඇත. නමුත් චිත්රපටය පිළිබඳ වූ විචාර තුළත්, එයින් නිරූපිත සමාජ ඓතිහාසික පැතිකඩ පිළිබඳ ධනාත්මක තොරතුරු ද අනාවරණය කරගැනීමට හැකි විය. චිත්රපටයේ නිරූපිත චරිත මඟින් ද එකී සමාජ ඓතිහාසික පැතිකඩ නිරූපණය වන අතර, ඉහළ ධනපති සමාජය, මධ්යම පාන්තික සමාජය, පහළ සමාජ ස්තරය ආදී වශයෙන් සමකාලීන සමාජය ස්තර තුනකින් නිරූපණය වේ. එකී විචාරක මෙන් ම චිත්රපටය පිළිබඳ සාහිත්ය මුලාශය චිත්රපටයේ එන සිද්ධි හා අවස්ථා මෙන් ම චරිත සමඟ සංසන්දනාත්මක ව අධ්යයනය කිරීමෙන් එයින් නිරූපිත සමාජ සංලක්ෂණය පිළිබඳ තොරතුරු අනාවරණය කර ගැනීමට හැකි විය. ඒ අනුව කඩවුණු පොරොන්දුව චිත්රපටයෙන් සමකාලීන සමාජ පැතිකඩක් නිරූපණය වන බවත්, සමකාලීන සමාජය පිළිබඳ සමාජ විද්යාත්මක කරුණු එනම් සමාජ ස්තර තත්වයන් කාර්ය කොටස් ආදීය නිරූපණය වන බවත් අධ්යයනයට ලක් කරන ලදී. | |
| dc.identifier.citation | ලාල්, ර.ප්රි. (2018). "කඩවූණු පොරොන්දුව" චිත්රපටයෙන් නිරූපිත සමාජ සංලක්ෂණය", International Research Conference in Humanities and Social Science [IRCHSS]-2018, University of Sri Jayewardenepura, 87 පි. | en_US |
| dc.identifier.uri | http://dr.lib.sjp.ac.lk/handle/123456789/8297 | |
| dc.language.iso | other | en_US |
| dc.publisher | University of Sri Jayewardenepura | en_US |
| dc.subject | සමාජ ස්තර, පොදු චරිත, සමාජ ඓතිහාසික පැතිකඩ, මිනර්වා නාට්ය. | en_US |
| dc.title | "කඩවූණු පොරොන්දුව" චිත්රපටයෙන් නිරූපිත සමාජ සංලක්ෂණය | en_US |
| dc.type | Article | en_US |
Files
Original bundle
1 - 1 of 1
Loading...
- Name:
- කඩවූණු පොරොන්දුව චිත්රපටයෙන් නිරූපිත සමාජ සංලක්ෂණය.pdf
- Size:
- 470.92 KB
- Format:
- Adobe Portable Document Format
- Description:
- research article
License bundle
1 - 1 of 1
Loading...
- Name:
- license.txt
- Size:
- 1.71 KB
- Format:
- Item-specific license agreed upon to submission
- Description: