හෘද රෝග නිර්ණය කිරීමේහිලා ඡ්‍යොතික ශාස්ත්‍රයෙහි උපයා්ගීතාවය පිළිබඳ අධ්‍යයනයක්

Abstract

Attached

ජ්‍යොතිෂ ශාස්ත්‍රය පුරාතනයේ පටන් ශ්‍රී ලාංකික සමාජය සමඟ තදානුබද්ධ ලෙස පැවතුණු මානව ශාස්ත්‍රයකි. මිනිස් ජීවිතය නම් තීර්ථ යාත්‍රාවට නොයෙකුත් විවිධ කම්කටොළු, දුෂ්කරතා, බාධක හා ලෙඩ රෝග පැමිණෙන විට ඒවායින් මිදීමට අවශ්‍ය මාර්ග දර්ශනය ජ්‍යෙතීර් විද්‍යාව හරහා මනාව සපයනු ලබයි. අධ්‍යතන ශ්‍රී ලංකාවේ උග්‍ර සමාජ ප්‍රශ්නයක් වී පවතින බෝ නොවන රෝගී තත්වයක් වන හෘද රෝග මෙම ජ්‍යෙතීර් ශාස්ත්‍රය හරහා කල් තියා පුරෝකථනය කිරීමට හැකි ද යන්න මැන බැලීම මෙම පර්යේෂණයේ මුඛ්‍ය පරමාර්ථය විය. වයස අවුරුදු 40 ත් 70 ත් අතර වයස් සීමාවේ පසුවන හෘද රෝගී නොවන පුද්ගලයන් 20 දෙනෙකුගේ ජන්ම පත්‍ර මෙන්ම හෘද රෝගී පුද්ගලයන් 20 දෙනෙකුගේ ජන්ම පත්‍ර මෙම පර්යේෂණයේදී නියදිය ලෙස උපයෝගී කොට ගන්නා ලදි. සහභාගීත්ව නිරීක්ෂණ ක්‍රමවේදය යොදා ගනිමින් පිළියන්දල හා බණ්ඩාරගම ප්‍රදේශ ඇසුරෙන් අහඹු නියදිය ඔස්සේ හෘද රෝගීන් නොවන පුද්ගලයන් තෝරා ගත් අතර දකුණු කොළඹ ශීක්ෂණ මහා රෝහලේ හෘද රෝග ඒකකය ඇසුරෙන් හෘද රෝගී පුද්ගලයන් තෝරා ගන්නා ලදී. එසේම මෙම පර්යේෂණයේ ගුණාත්මය හා පුමාණාත්ක ස්වභාවය පෝෂණය කරමින් ලිඛිත මූලාශ්‍ර මෙන්ම අලිඛිත මූලාශ්‍ර ද උපයෝගී කොට ගන්නා ලදි. පර්යේෂණයේ දී හදුනාත් හෘද රෝග වැළඳීමට තුඩු දෙන පුධාන ජ්‍යෙතිෂමය න්‍යායන් හා සිද්ධාන්තයන් ලෙස රවි, සඳු, කුජ, ශනි, ගුරු හා රාහු යන ග්‍රහයන් දුර්වලව, පාප පීඩිතව, පාප ග්‍රහයන්ගේ නැකැත්වල සිටිමින් දුෂ්ඨස්ථාන ගත වීම. කේන්ද්‍රයේ 4 වැන්න හා 5 වැන්න අධිපතියන් මෙන්ම භාවාධිපතියන් ද දුර්වලව පාප ග්‍රහයන් හා සංයෝගව සිටීම. එමෙන්ම පාප ග්‍රහයන්ගේ අසුබ ග්‍රහ දෘෂ්ටි ලැබීම. 22 දෙර්කාණාධිපතියා මෙන්ම 64 නවාංශකාධිපතියා ද හෘදය නියෝජනය කරන ග්‍රහයන් සමඟ මෙන්ම භාව ගත වීම. මෙම අසුබ ඵල නියෝජනය කරන ග්‍රහයකුගේ මහා දශා, අතුරු දශා හා වීදසා ගමන් කරන කාල පරිච්ඡේදය තුළදී මෙම හෘදයාබාධයන් තත්ත්වයන් පැන නැගෙනු ලබයි. මෙම කරුණු බලවත්ව, ශක්තිමත්ව හා සුබව පිහිටා ඇති විට එය හෘදයට ආශිර්වාදයක් වේ. හෘදය ආරක්ෂා කරනු ලබයි. මෙම පර්යේෂණය හරහා වෛද්‍ය මානව විද්‍යාව ද පෝෂණය වන අතර වෛද්‍ය මානව විද්‍යාවට නව මානයක් ලබා දෙනු ලබයි.