ඓතිහාසික ශිලා ලේඛනමය ගිවිසුම් හා නුතන ගිවිසුම් නීතියේ මුලිකාංග පිළිබඳව සන්සන්ධනාත්මක අධ්‍යයනයක් (සංගමු විහාර ලිපිය ඇසුරින්)
Loading...
Date
Authors
Journal Title
Journal ISSN
Volume Title
Publisher
University of Sri Jayewardenepura
Abstract
Attached
ශ්‍රී ලාංකේය ඉතිහාසය පිළිබද අධ්‍යයනය කිරීම සදහා මුලාශ්‍රය විශේෂයක් ලෙස අභිලේඛන සාධක යොදා ගැනේ. සාහිත්‍ය මුලාශ්‍රමය තොරතුරු සනාථ කිරීම, නිශ්ප්‍රභා කිරීම, ඌණ පුර්ණ සැපයීම, නව්‍ය තොරතුරු අනාවරණය කර ගැනීම අභිලේඛනයන් හි ප්‍රමුඛ කාර්යයෝ වෙති. දැනට පිළිගෙන ඇති පරිදි ක්‍රි.පු. 03 වැනි සියවස ආසන්නයේ සිට මෙරට හමුවන මුල් කාලීන බොහෝ සෙල්ලිපි ආගමික තොරතුරු සදහා සීමාවුවත් කල්යත්ම මෙරට දේශපාලන, සමාජීය, ආර්ථික හා සංස්කෘතික තොරතුරු ඒවායේ අන්තර්ගත විය. අනුරාධපුර අවධියේ සිට ක්‍රමිකව විකාශනය වු මෙම සෙල්ලිපි පොළොන්නරුව යුගය වනවිට ප්‍රමාණාත්මකව ද අන්තර්ගතයෙන් ද විශාලවන්නට විය. රාජ්‍ය අධිකාරිය පනවන ලද නෛතික ලේඛන විශේෂයක් ලෙස සෙල්ලිපි සැලකේ. රජයේ පාලන ප්‍රතිපත්ති, ආර්ථික ප්‍රතිපත්ති නීතිප්‍රකාරව ජනතාව වෙත සන්නිවේදනය කිරීමට මෙම සෙල්ලිපි යොදාගෙන ඇති බව අධ්‍යයනයන් තුළින් තහවුරු වී ඇත. ක්‍රි.ව. 12 වන සියවස කාලනිර්ණය කොට ඇති සංගමු විහාර ශිලාලේඛනය මෙරට ඉතිහාසයේ වැදගත් ඓතිහාසික ලේඛනයක් ලෙසින් අධ්‍යයනයන් තුළ යොදා ගැනේ. පොළොන්නරුව යුගයේ දෙවන ගජබාහු රජු හා පළමු පරාක්‍රමබාහු කුමරු අතර ඇතිවු සමගි සන්ධානයන් මෙම ලිපියේ අන්තර්ගත වේ. මෙම ලිපිය පිළිබඳ අධ්‍යයනය කර ඇති විද්වතුන් මෙරට ඉතිහාසයේ දැකගත හැකි ගිවිසුම් ප්‍රකාර නෛතික ලේඛනයක් ලෙසින් මෙය හඳුන්වාදී තිබේ. මෙම අධ්‍යයනයේ දී එකී ලිපියෙහි අඩංගු මුලික කරුණු වර්තමානයේ මෙරට ක්‍රියාත්මක වන ගිවිසුම් නීතියේ මුලිකාංග සමග සන්සන්ධනාත්මකව අධ්‍යයනය කිරීම මුඛ්‍ය අරමුණ වේ. පැරණි ගිවිසුමක් නිර්මාණය වීමේ පසුබිම අඛණ්ඩත්වයෙන් යුක්තව වර්තමානය දක්වා විකාශනය වී තිබේ ද යන්න මුඛ්‍ය පර්යේෂණ ගැටලුව ලෙසින් සාකච්ඡා වේ. මෙය ගුණාත්මක විශ්ලේෂණ අධ්‍යයන ක්‍රමවේදයට සිදු කෙරෙන අතර මෙහිදී යොදා ගැනෙනුයේ සාහිත්‍ය හා පුරාවිද්‍යාත්මක මුලාශ්‍රය, නීතිමය ලේඛන පදනම් කරගත් සන්සන්ධනාත්මක අධ්‍යයනයකි. එහිදි ගිවිසුමක් නිර්මාණය වීමට අදාළ නුතන සංකල්ප සමග අතීත කරුණු සන්සන්ධනය කෙරෙන අතර ඒවායේ ඇති සමවිෂමතා කෙරෙහි වැඩි වශයෙන් අවධානය යොමු කෙරේ. බොහෝ දුරට නුතන ගිවිසුම් නීතියේ මුලිකාංග කිහිපයක් ම සංගමු විහාර ලිපිය තුළ අන්තර්ගත වන බව අධ්‍යයනය තුළින් පැහැදිලි විය.
ශ්‍රී ලාංකේය ඉතිහාසය පිළිබද අධ්‍යයනය කිරීම සදහා මුලාශ්‍රය විශේෂයක් ලෙස අභිලේඛන සාධක යොදා ගැනේ. සාහිත්‍ය මුලාශ්‍රමය තොරතුරු සනාථ කිරීම, නිශ්ප්‍රභා කිරීම, ඌණ පුර්ණ සැපයීම, නව්‍ය තොරතුරු අනාවරණය කර ගැනීම අභිලේඛනයන් හි ප්‍රමුඛ කාර්යයෝ වෙති. දැනට පිළිගෙන ඇති පරිදි ක්‍රි.පු. 03 වැනි සියවස ආසන්නයේ සිට මෙරට හමුවන මුල් කාලීන බොහෝ සෙල්ලිපි ආගමික තොරතුරු සදහා සීමාවුවත් කල්යත්ම මෙරට දේශපාලන, සමාජීය, ආර්ථික හා සංස්කෘතික තොරතුරු ඒවායේ අන්තර්ගත විය. අනුරාධපුර අවධියේ සිට ක්‍රමිකව විකාශනය වු මෙම සෙල්ලිපි පොළොන්නරුව යුගය වනවිට ප්‍රමාණාත්මකව ද අන්තර්ගතයෙන් ද විශාලවන්නට විය. රාජ්‍ය අධිකාරිය පනවන ලද නෛතික ලේඛන විශේෂයක් ලෙස සෙල්ලිපි සැලකේ. රජයේ පාලන ප්‍රතිපත්ති, ආර්ථික ප්‍රතිපත්ති නීතිප්‍රකාරව ජනතාව වෙත සන්නිවේදනය කිරීමට මෙම සෙල්ලිපි යොදාගෙන ඇති බව අධ්‍යයනයන් තුළින් තහවුරු වී ඇත. ක්‍රි.ව. 12 වන සියවස කාලනිර්ණය කොට ඇති සංගමු විහාර ශිලාලේඛනය මෙරට ඉතිහාසයේ වැදගත් ඓතිහාසික ලේඛනයක් ලෙසින් අධ්‍යයනයන් තුළ යොදා ගැනේ. පොළොන්නරුව යුගයේ දෙවන ගජබාහු රජු හා පළමු පරාක්‍රමබාහු කුමරු අතර ඇතිවු සමගි සන්ධානයන් මෙම ලිපියේ අන්තර්ගත වේ. මෙම ලිපිය පිළිබඳ අධ්‍යයනය කර ඇති විද්වතුන් මෙරට ඉතිහාසයේ දැකගත හැකි ගිවිසුම් ප්‍රකාර නෛතික ලේඛනයක් ලෙසින් මෙය හඳුන්වාදී තිබේ. මෙම අධ්‍යයනයේ දී එකී ලිපියෙහි අඩංගු මුලික කරුණු වර්තමානයේ මෙරට ක්‍රියාත්මක වන ගිවිසුම් නීතියේ මුලිකාංග සමග සන්සන්ධනාත්මකව අධ්‍යයනය කිරීම මුඛ්‍ය අරමුණ වේ. පැරණි ගිවිසුමක් නිර්මාණය වීමේ පසුබිම අඛණ්ඩත්වයෙන් යුක්තව වර්තමානය දක්වා විකාශනය වී තිබේ ද යන්න මුඛ්‍ය පර්යේෂණ ගැටලුව ලෙසින් සාකච්ඡා වේ. මෙය ගුණාත්මක විශ්ලේෂණ අධ්‍යයන ක්‍රමවේදයට සිදු කෙරෙන අතර මෙහිදී යොදා ගැනෙනුයේ සාහිත්‍ය හා පුරාවිද්‍යාත්මක මුලාශ්‍රය, නීතිමය ලේඛන පදනම් කරගත් සන්සන්ධනාත්මක අධ්‍යයනයකි. එහිදි ගිවිසුමක් නිර්මාණය වීමට අදාළ නුතන සංකල්ප සමග අතීත කරුණු සන්සන්ධනය කෙරෙන අතර ඒවායේ ඇති සමවිෂමතා කෙරෙහි වැඩි වශයෙන් අවධානය යොමු කෙරේ. බොහෝ දුරට නුතන ගිවිසුම් නීතියේ මුලිකාංග කිහිපයක් ම සංගමු විහාර ලිපිය තුළ අන්තර්ගත වන බව අධ්‍යයනය තුළින් පැහැදිලි විය.
Description
Citation
රත්නායක, උ.නෙ. (2018). "ඓතිහාසික ශිලා ලේඛනමය ගිවිසුම් හා නුතන ගිවිසුම් නීතියේ මුලිකාංග පිළිබඳව සන්සන්ධනාත්මක අධ්‍යයනයක් (සංගමු විහාර ලිපිය ඇසුරින්)", Proceedings of the International Research Conference in Humanities and Social Sciences [IRCHSS]-2018, University of Sri Jayewardenepura, 193 පි.